Kreu i PD-së, Lulzim Basha, në një deklaratë për mediat deklaroi se mbyllja e dosjes së Dibrës tregon se qeveria po vepron si grupi i strukturuar kriminal.
“Mbyllja e dosjes tregon se dëshpërimi i organizatës së Ramës është i tillë sa ka shtyrë prokurorinë, Arta Marku dhe Donika Prela drejt vetëflijimit. Sepse ajo që kanë bërë këto zonja s’është asgjë tjetër veçse mbulim i një grupi kriminal”,- tha Basha.
Ai tha se dy prokuroret duhet të vihen nën hetim dhe i krahasoj me prokuroren e Maqedonisë, Katica Janeva, e cila u arrestua dje për korrupsion. “Arta Marku dhe Donika Prela janë dy Katicat e Edi Ramës”,- tha Basha.
