Basha me përfaqësues të OSBE-së në Vjenë: Ndamë qëndrimin për zgjedhje të lira

Kryetari i Partisë Demokratike, Lulzim Basha ndodhet në Vjenë i shoqëruar nga disa kryetarë të partive aleate. Sipas asaj që njoftoi kreu i PD-së, ai ka zhvilluar takime me përfaqësues të lartë të OSBE-së. “Në Vienë me përfaqësuesit e lartë të OSBE ndamë shqetësimin për krizën dhe qëndrimin e pandryshuar të Opozitës së Bashkuar: zgjedhje të lira e të ndershme me një qeveri tranzitore pa Edi Ramën, që garanton lirinë e votës dhe ndëshkimin nga drejtësia të hajdutëve të zgjedhjeve”, njoftoi Basha. Partia Demokratike dhe aleatët e saj nuk i njohin zgjedhjet e 30 qershorit dhe kërkojnë zgjedhje të tjera në tetor.