Kryetari i Partisë Demokratike, Lulzim Basha, ka mbledhur të shtunën në një takim kryetarët e partisë në rrethe, ku theksoi se duhet të fillojnë menjëherë përgatitjet elektorale dhe për aksion politik.
Në një njoftim për shtyp të selisë blu, thuhet se pranë Partisë Demokratike do të ngrihet shtabi qendror elektoral dhe politik dhe shtabe që do të shtrihen në mënyrë piramidale në të gjithë vendin.
“Puna do të përqendrohet në planin e ofrimit të zgjidhjes për qytetarët, denoncimeve për aferat korruptive dhe kriminale të qeverise, bashkimi i faktorëve dhe aktorëve me potencial njerëzor dhe elektoral pranë PD, si dhe hapja e partisë për njerëz me integritet profesional e moral.”
Kryetari i PD Lulzim Basha i ka paraqitur Kryetarëve të Degëve një kalendar të qartë dhe konkret pune, me përgjegjësi dhe afate të qarta.
“Ndërkohe për aksionin politik, që përfshin edhe protestat, është vendosur që format dhe afatet të përcaktohen në një moment të dytë për të shmangur shfokusimin nga çështjet kryesore që janë aktualisht në vëmendje: fazën finale të zgjidhjes se krizës politike dhe procesi i integrimit europian.”/tvklan.al
