Kryetari i PD-së Lulzim Basha ka uruar sot shqiptarët në Maqedoninë e Veriut për rezultatin e zgjedhjeve. Në mesazhin e tij, Basha shprehet se në emër të Partisë Demokratike dhe në emrin e tij personal uron 32 deputetët shqiptarë të dalë nga zgjedhjet e mbajtura në Republikën e Maqedonisë së Veriut.
“E kam përcjellë me entuziazëm këtë rezultat historik, me besimin e plotë se pavarësisht rreshtimit politik të mandateve shqiptare në qeveri apo opozitë, ato do të kontribuojnë në mbrojtjen dhe fuqizimin e të drejtave dhe interesave të shqiptarëve në RMV dhe do të garantojnë e konsolidojnë kursin e qartë të RMV drejt standardeve euroatlantike që janë garancia e vetme dhe e sigurtë për një Ballkan demokratik, në paqe e të zhvilluar”, shprehet Basha.
