Kreu i Partisë Demokratike Lulzim Basha gjatë një komunikimi që ka pasur me drejtuesin e Portalit Studentor, Gevio Tabaku, ka thënë se bashkëshortja e tij e ka kaluar COVID-in. Basha është shprehur se përveç Aurelës, askush tjetër në familje nuk është infektuar nga Covid.
“Unë jam mirë, vajzat janë mirë. Bashkëshortja e ka kaluar. Prindërit janë mirë çfarë është më e rëndësishmja. Por e dimë që shumë njerëz po vuuajnë, edhe sot që po flasim shifrat ishin shumë të ;arta, dje po kështu. Jemi në një situatë shumë të vështirë. Të gjithë ata që na ndjekin të kujdesen për veten e tyre dhe sidomos për prindërit”, tha Basha. Sa i takon studentëve Basha tha se gjatë mandatit të tij do të ketë një anulim të ligjit aktual për arsimin e lartë, si dhe ulje të tarifave, apo zerim për disa kategori.
“Një bashkëbisedim krejt i veçantë me drejtuesin e Portalit Studentor, Gevio Tabaku rreth arsimit, pandemisë, protestave dhe çështjeve me interes për rininë. Qeveria jonë do të anulojë ligjin aktual të arsimit të lartë. Në ligjin e ri të arsimit, arsimi i lartë do ketë vëmendje maksimale, mbështetje financiare që asnjë i ri shqiptar mos të mbetet pa arsim për shkak të pamundësisë ekonomike.
Nga programi ynë për arsimim, veçova: 100% e tarifës së studimit e mbuluar nga shteti për studentët nga familjet me të ardhura nën 640 mijë lekë të vjetra në muaj; 50% e tarifës për studentët nga familje me të ardhura ndërmjet 640 mijë dhe 1,280 mijë lekë të vjetra në muaj”, shkruan Basha në postimin e tij.