/ATSH/ – Platforma e Bashkëqeverisjes po kthehet çdo ditë e më shumë në një mekanizmin përmes të cilit çdo qytetar mund të zgjidhë në një kohë mjaft të shkurtër çdo problem me administratën shtetërore. Javë pas jave kjo platformë ka rritur numrin e qytetarëve të regjistruar dhe të atyre që i adresohen për zgjidhjen e problemeve të tyre.
Konkretisht, deri në javën që lamë pas, numri i ankesave të regjistruara nga qytetarët në nivel qendror ka qenë 47.883, prej të cilave janë zgjidhur nga koordinatorët e Bashkëqeverisjes në bashkëpunim me institucionet ku janë shfaqur problemet 31.454 ankesa qytetarësh. Në nivel vendor, numri i ankesave në total ka arritur 8600, nga të cilat janë zgjidhur 4032 raste.
Këtë javë, nga stafi i Platformës së Bashkëqeverisjes janë veçuar 12 raste të spikatura suksesi, nga të cilat, 3 raste i përkasin Agjencia Shtetërore të Kadastrës, 2 raste Ministrisë së Financës dhe Ekonomisë, 2 raste Ministrisë së Brendshme, 1 rast Ministrisë së Infrastrukturës dhe Energjisë, 3 raste ministrit të Shtetit për Mbrojtjen e Sipërmarrjes dhe 1 rast Ministrisë së Bujqësisë dhe Zhvillimit Rural.
Plot 119.941 qytetarë kanë hyrë në faqen e Shqipëria që Duam, ndërsa 20.131 prej tyre janë regjistruar për herë të parë në këtë platformë. /a.sh./ /a.g/
