Ministria e Punëve të Jashtme e Rusisë ka reaguar pas deklaratave të kryeministrit të ardhshëm të Kosovës, Albin Kurti për Bashkim me Shqipërinë, ndërsa nuk ka kursyer as Perëndimin për heshtje.
“Ne jemi të shqetësuar për retorikën gjithnjë e më radikale të përdorur nga shqiptarët e Kosovës pasi Lëvizja Vetëvendosje fitoi zgjedhjet e parakohshme parlamentare. Ne nuk shohim ndonjë reagim të shteteve perëndimore te shqiptarët e Kosovës ndaj këtyre provokime” tha zëdhënësja e ministrisë së Jashtme ruse Maria Zakharova.
