Bayerni merr një tjetër lajm shokues, Lewandowski do të operohet

Nuk kanë fund problemet te skuadra e Bayern Munich. Sulmuesi më në formë dhe lojtari kryesor i skuadrës, Robert Lewandowski do t’i nënshtrohet një operacioni dhe pritet që të mungojë për disa ndeshje.Gjatë këtij sezoni, bomberi polak ka gjetur 14 herë rrugën e rrjetës në 10 ndeshje në Bundesligë. Lewandowski do të luajë edhe ndaj Dortmundit në fundjavë, ndërkohë që më pas do t’i nënshtrohet operacionit.Kjo është arsyeja pse ideja e lojtarit dhe klubit është që të përfitojnë nga pushimi për ekipet kombëtare dhe të zgjidhin problemin fizik pikërisht në këtë periudhë.