Agjensia Europiane e Barnave (EMA) ka miratuar dhënien e autorizimit për përdorimin e vaksinës së Modernës nga vendet anëtare të unionit. Moderna do të lejohet të bëhet për të gjithë personat mbi 18-vjeç, ndërkohë që mosha e lejuar për Pfizer është mbi 16-vjeç. EMA ka vlerësuar tërësisht të dhënat mbi cilësinë, sigurinë dhe efikasitetin e vaksinës dhe rekomandoi dhënien e autorizimit për tu përdorur në të gjitha vendet e BE-së. “Kjo vaksinë na siguron një mjet tjetër për të kapërcyer emergjencën aktuale”, tha Emer Cooke, Drejtor Ekzekutiv i EMA.
“Ishtë një dëshmi e përpjekjeve dhe angazhimit të të gjithë të përfshirëve që kemi këtë rekomandim të dytë pozitiv të vaksinës, vetëm një vit pas shpalljes së pandemisë nga OBSH”. “Ne do të monitorojmë nga afër të dhënat mbi sigurinë dhe efektivitetin e vaksinës për të siguruar mbrojtjen e vazhdueshme të publikut të BE-së. Puna jonë do të drejtohet gjithmonë nga provat shkencore dhe angazhimi ynë për të mbrojtur shëndetin e qytetarëve të BE-së”, ka thënë më tej drejtuesi i EMMA.
