Presidenti i Republikës, Bajram Begaj priti sot në një takim ambasadoren e Shteteve të Bashkuara të Amerikës në Tiranë, Yuri Kim.
Me anë të një postimi në Twitter, Kreu i Shtetit u shpreh se ky takim i hap rrugë angazhimit të mëtejshëm në zhvillimin e miqësisë mes dy vendeve.
“Partneriteti SHBA- Shqipëri është më i vlefshmi në forcimin e demokracisë dhe prosperitetit. Takimi i parë si President me ambasadoren amerikane në Tiranë, Yuri Kim hap rrugën për angazhim të mëtejshëm në zhvillimin e miqësisë mes dy vendeve”, shkroi Presidenti i Republikës, Bajram Begaj.
