Gruaja e ambasadorit të Holandës në Beirut, Hedwig Waltmans-Molier ka ndërruar jetë në moshën 55-vjeçare pasi u plágos rèndë në shpèrthimin në Liban. Ministria e Punëve të Jashtme e Holandës, bëri me dije se gruaja e ambasadorit, e cila në të njëjtën kohë ishte e angazhuar në departmentin e burimeve njerëzore në ministri, ka humbur jetën në spítalin ku ndodhej për trajtim. Në deklaratë shtohet edhe mesazhi i ngushëllimit i dërguar ndaj familjes Watmans nga kryediplomati Stef Blok dhe ministrja e Tregtisë së Jashtme dhe Bashkëpunimit për Zhvillim, Sigrid Kaag, ku thuhet se çifti një javë më parë kishte përfunduar pushimet e ishte kthyer në Beirut, ku dhe gjatë shpèrthimit ndodheshin në shtëpinë e tyre.
Ministria holandeze ka bërë të ditur se krahas gruas së ambasadorit janë plágosur edhe 6 shtetas holandezë përfshirë punonjës të tjerë të ambasadës. Holanda njoftoi se ka dërguar një ekip kërkim-shpëtimi prej 67 personash me qëllim për ndihmë ndaj shtetasve të saj në Bejrut. Kujtojmë se të martën rreth orës 18:00, shpèrthimi i fuqíshëm mori jetën e të paktën 150 personave dhe plágosi mijëra të tjerë.(A.M/Faxweb.al)
