Besa Kokëdhima lajmëroi se do të tërhiqet nga Kënga Magjike, për shkak se nuk mundet të këndojë në këtë kohë të vështirë që po kalon Shqipëria. Producenti i këtij festivali, Ardit Gjebrea reagoi përmes një statusi në Instagram ku tregoi se nuk do të ketë shtyrje të festivalit, por me paratë që do mblidhen nga biletat e Këngës Magjike, do të ndërtojnë shtëpinë e familjes Caci në Thumanë.
Të dy vendimet e Besës dhe Ardit janë publikuar pothuajse në të njëjtën kohë në Instagram. Arditi, madje i ka shkruar Besës në statusin ku tregonte largimin nga Kënga Magjike. Ai i ka kërkuar Besës të mos mungojë, por të bëhet pjesë e këtij festivali që këtë vit do të realizohet për t’ju ardhur në ndihmë të prekurve nga tërmeti i 26 nëntorit.
“Besa e dashur, të thashë që Kënga Magjike këtë vit do të ketë misionin ‘kendoj per te ndertuar’ dhe të gjithë bashkë do kontribuojmë për ata që kanë nevojë. Kam qënë këto ditë në Thumanë dhe vendosëm që me të ardhurat nga biletat të ndërtojmë një shtëpi nga e para dhe kjo gjë do të transmetohet të dielën në E diela shqiptare. Secili bën atë që ndjen, të gjithë artistët janë bashkë këtë herë për të ndërtuar. Të lutem mos mungo! Të gjithë ndiejmë dhimbje, por te gjithe bashke mundemi. Edhe artistët e huaj kanë ardhur për këtë kauzë! Të presim”,-i shkruan Arditi këngëtares në statusin e saj.
Nuk dihet nëse Besa do të ndërrojë mendje pas kërkesës publike të Arditit.
