Milani vazhdon të vëzhgojë lojtarë në Belgjikë dhe i radhës është një mesfushor qendre. Bëhet fjalë për Kristian Thorstvedt, pjesë e skuadrës së Gent prej janarit të vitit 2020. Futbollisti 22-vjeçar po paraqitet mirë në Jupiler Pro League. Ditët e fundit, sipas mediave italiane, Milani ka nisur të lëvizë për shërbimet e Thorstvedt.
Kuqezinjtë duan edhe një mesfushor tjetër qendre, pasi aktualisht kanë emra si Franck Kessie, Ismael Bennacer dhe Sandro Tonali. Për Thorstvedt Gen kërkon 12 deri në 15 milion euro, ndërkohë që Milani nuk është i vetëm në garë. Mesfushorin, i cili ka luajtur 24 ndeshje këtë sezon, e duan edhe në Angli.
