Ambasadorja e re e Shteteve të Bashkuara të Amerikës është betuar ditën e sotme. Lajmi u bë fillimisht i ditur nga ambasadorja e Shqipërisë në SHBA, Floreta Faber, e cila nëpërmjet një postimi në Twitter ka uruar ambasadore e re në detyrë.
Betohet Ambassadorja Kim!
Ajo është tashmë zyrtarisht Ambasadorja e Shteteve të Bashkuara në Shqipëri!
Urimet më të mira dhe suksese në misionin tuaj, me bindjen se do kemi një bashkëpunim të frytshëm! pic.twitter.com/Fw3WNkUytX
— Floreta Faber 🇦🇱 (@FloretaFaber) January 9, 2020
Betohet Ambassadorja Kim! Ajo është tashmë zyrtarisht Ambasadorja e Shteteve të Bashkuara në Shqipëri! Urimet më të mira dhe suksese në misionin tuaj, me bindjen se do kemi një bashkëpunim të frytshëm! Yuri Kim nuk është e para grua, në këtë funksion të lartë diplomatik që vjen në krye të Ambasadës së Shteteve të Bashkuara të Amerikës. Ajo është e treta. E para ambasadore amerikane grua që ka shërbyer në Shqipëri, është Mariza Lino, e cila shërbeu në periudhën korrik 1996 deri në maj 1999.
Marsi Ries është e dyta dhe ajo shërbeu në periudhën tetor 2004-maj 2007. Yuri Kim ka shërbyer në poste të larta drejtuese dhe ka një eksperiencë të gjerë në çështje që lidhen me sigurinë kombëtare nga Europa, në Azi e deri në Lindjen e Mesme. Ajo pason ambasadorin amerikan Donald Lu në Shqipëri, mandati i të cilit nisi në 2014 dhe përfundoi në vitin 2019. Që prej largimit të Lu në ambasadën e SHBA-së në Tiranë ka patur një vakum dhe kjo ambasadë është drejtuar nga përfaqësuesja Leyla Mosses Ones.
