Një aksident ka ndodhur mëngjesin e sotëm në Kukës, në Rrugën e Kombit, ku një mjet i tonazhit të rëndë është përmbysur. Siç shihet në foto, betonierja është përplasur me trafikndarësen dhe është përmbysur në krah.
Deri tani nuk raportohet për viktima apo persona të lënduar, por vetëm për dëme materiale.
Shkaku i aksidentit nuk dihet, por paraprakisht mendohet për lagështi në rrugë. Shërbimet e Policisë ndodhen në vendngjarje dhe po punojnë për lehtësimin e qarkullimit, duke qenë se në korsi është derdhur naftë dhe vaj.
