Të jesh emigrant për shqiptarët sot nuk është lajm sepse kanë kaluar pothuajse shumica e tyre nga kjo rrugë. Nuk ka familje në Shqipëri që mos të kenë njerëzit e tyre të dashur në emigracion. Një start i filluar rreth tre dekadave më parë ku me rezikun e jetës shqiptarët patën kontaktin fizik me ”botën e lirë”. Po ishte vërtet e ‘lirë” kjo botë e madhe?. Në përpjekjet e përditshme për të mbijetuar jeta të sillte përballë vështirësi të komunikimit për shkak të gjuhës, sigurimin e vëndit të punës, një strehe për vete apo familiarët dhe këto kur në anën tjetër veç tundimeve të fitimit të shpejtë ishte dhe racizmi në jetën e përditshme apo nga propaganda e mediave ku forcat e ndryshme politike kërkonin të përfitonin mbi dhimbjen e emigrantëve. Me kalimin e viteve u vërtetua dhe vitaliteti i bijve të shqipes të cilët në kohë rekord u integruan në shoqëritë ku jetojnë dhe dolën shpejt në sipërfaqe krahsuar me komunitetet e tjera emigrante. Cilësia shqiptare nuk mohohet me familjet shëmbullore me fëmijët të shkëlqyer në shkolla, gjithashtu në sporte, art, mjeshtri teknikoprofesionale etj. por shqiptarët duan edhe përfaqësuesit e tyre në skenën politike të vëndeve ku jetojnë.
Është kjo vajzë vlonjate që nuk është as e para dhe as e vetmja në maratonën politike të emigrantëve. Brunilda Hysaj kandidon në komunën e Meranos në Bolzano në Italinë e veriut. Veçse është një inxhiniere në karierë në një nga fabrikat më në zë në Itali aktiviteti i saj shtrihet edhe në organizata humanitare për mbrojtjen e të drejtave të grave. Do ti përmbahem fjalëve të saj për këtë kandidim.
”përsa i përket shqiptarëve, dëshiroj shumë të jem një mbështetje, një shembull pozitiv, një pikë orientimi, të jem zëri i tyre në komunën e Meranos. Eksperienca e jetës time si emigrante,e bërë gjithshka me forcat e mia, mund të jetë garanci për votën e tyre. ”
Thjesht dhe bukur! Ne si vlonjatë krenohemi për vajza të tilla që energjinë e tyre e vënë në shërbim të shërimit të një plage në emigracion dhe për këtë ftoj gjithë shqiptarët e Italisë që ta mbështesin përpjekjen e saj. Të urojmë suksese në zgjedhje dhe të falenderojmë gjithashtu që je anëtare e grupit tonë!
