Celebrimet e në veçanti dasmat marrin një tjetër kuptim dhe përmasë në Indi. Traditat indiane e marrin shumë seriozisht organizimin e një dasme ku shumë prej tyre e tejkalojnë çmimin e 100 mijë dollarëve. Fakt ky, i cili bën që dasmat të renditen si një nga bizneset më fitimprurëse në vend.

Kohët e fundit, në Indi ka dalë trendi më i ri i quajtur “Matrimania”, i cili është një emision televiziv që konsiston në filmimin e jo vetëm dasmës, por e të gjithë procesit të organizimit të saj, duke nisur që nga familjet e çiftit, e deri tek detajet më të vogla.

Matrimania tregon diferencën e klasave të ndryshme të shoqërise në Indi, përshtatjen e tyre me njëra-tjetrën dhe kontributin që japin ato në planifikimin e një dasme. Ajo shpalos para syve tanë të tërë tensionin e krijuar mes brezave të ndryshëm dhe traditat e ndryshme që shoqëria indiane ka. “Matrimania“ ka prezantuar më shumë se 150 dasma përgjatë viteve 2008-2015, ku ka dokumentuar martesat mikse midis shtresave të ulta dhe të larta të shoqërisë indiane.