“Teknologjia për përfitimet/ ábuzimet”  ishte tema mbi të cilën u diskutua këtë herë në studion e E diell. Në mesin e të ftuarve këtë herë ishte dhe sipërmarrësi i njohur Armand Peza, i cili operon në tregun e eventeve apo martesave. Në lidhje me temën Armandi u shpreh se abuzime kanë ndodhur, si në këtë epokë të internetit, por edhe kur përfshirja e saj nuk ka qenë kaq e madhe. Gjatë fjalës së tij ai zbuloi një episod mjaft interesant, ku një person kishte aluduar mbi të, duke thënë se paratë i kishte bërë nga e motra, e cila nuk ekziston fare. “Ky kot bën si i devotshëm, sepse të gjitha bizneset që ka, i ka nga motra e vet që është prostitutë në Holandë, ndërkohë që unë nuk kam motër fare”, tha Armandi. Kjo histori u shoqërua me mjaft të qeshura në studio, ndërkohë që Peza tha më tej se rrjetet sociale u kanë dhënë hapësirë dhe budallenjve.