Vetëm pak ditë më parë, ajo nxorri në treg këngën e saj më të re, coverin e hitit italian ‘’Su di noi’’ për të cilën është shprehur se ka qenë një ndër punët e saj më të mira, pasi kjo këngë është e lidhur ngushtë më kujtimet e fëmijërisë së saj. Dhe ashtu siç pritej, kënga shkaktoi shumë zhurmë, jo vetëm për realizimin, por mbi të gjitha për shkak të notave erotike dhe pamjes së Bleonës.
E megjithatë ylli shqiptar nuk ka ndërmend të ndalet, pasi ia ka dalë sërish që mediet e ndryshme të flasin për të. Së fundi, ajo ka dhënë një intervistë për ‘’Syri Kosova’’ ku është ndalur tek martesa e shumpërfolur me biznesmenin Gani Bardhi.
“Kam folur haptazi për Ganiun, sepse është një lidhje e cila u prish për shkak të karrierës time, por ishte një ndarje me konsensus pasi unë doja të ndiqja ëndrrën time. Ganiu ka qenë shumë i mirëkuptueshëm për këtë fakt dhe më tha: “Bleona nëse ti nuk shkon në Amerikë për të arritur ëndrrën tënde, do të rrish në shtëpi dhe do më urresh, do të gatuash, do të shohësh lajmet si grua shtëpiake, dhe do të shikosh njerëzit tjerë që po e jetojnë ëndrrën tënde, kështu që nuk ka sens të rrish e martuar me mua kur ti ke një ëndërr’’.’’-përfundoi ajo.
E pyetur se a është e vërtetë që ata do bashkohen përsëri, Bleona ka dhënë një përgjigje të prerë. “Jo, nuk kam ndërmend të kthehem me të, pasi, gjërat kur mbarojnë, mbarojnë. Ai është prapë në jetën time, por, në një tjetër formë, që futet brenda idesë së “familjes”.’’
