Marina Mbretërore angleze është dërguar në kanalin e La Manshit, që ndan Britaninë e Madhe nga Franca, për të bllokuar emigrantët klandestinë që tentojnë të mbërrijnë ishullin nga Franca dhe Vendet e Ulëta. Luftanika HMS Mersey është impenjuar në patrullimin e kanalit.
“Anija patrulluese do të ndihmojë në parandalimin e migrantëve, të cilët kryejnë udhëtime të rrezikshme” tha Sekretari britanik i Mbrojtjes Gavin Williamson.
Patrullimi po kryhet në bashkëpunim me autoritetet franceze, të cilat i kanë dërguar kërkesë zyrtare Ministrisë britanike të Mbrojtjes për të vendosur sistemin e patrullimit edhe në Kanalin Anglez, i njohur ndryshe si Kanali i La Manshit. Situata e emigracionit klandestin që ka pikënisjen në brigjet franceze është bërë shqetësuese për të dyja vendet. Vetëm dy muajt e fundit, llogaritet që mbi 240 klandestinë kanë hyrë në Britaninë e Madhe duke u nisur nga Franca
