Britania e Madhe nuk do të jetë më në gjendje të përfitojë më nga të drejtat dhe avantazhet ekonomike nëse largohet nga tregu i vetëm dhe bashkimi doganor më 31 dhjetor të 2020, deklaroi shefi negociator i BE, Michel Barnier.
”Kjo është korniza ku ne do të lëvizim”, shtoi ai duke paraqitur projektmandatin për negociatat mbi marrëdhëniet e ardhshme me Britaninë e Madhe.
Kryenegociatori i BE, Michel Barnier pritet të paraqesë projektin e mandatit negociues të Komisionit Europian.
Ky projekt duhet të aprovohet nga 27 qeveritë e bllokut dhe Parlamenti Europian përpara se të fillojnë bisedimet me Londrën.
Brukseli theksoi se qasja britanike në tregun e BE do të varet nga sa ajo do të përshtatet me rregullat e bllokadës për çështje që fillojnë që nga lëvizja e lirë e njerëzve deri te standardet mjedisore.
“Ne duam të kemi marrëdhëniet më të mira të mundshme me Mbretërinë e Bashkuar. Por kurrë nuk do të jenë më të mira sesa kur ishin anëtarë”, tha para disa ditësh presidentja e Komisionit, Ursula von der Leyen.
