Komisioni Qendror i Zgjedhjeve, vendosi sot të shpërndajë fondin prej 140 milionë lekë, partive politike.
Në mbledhjen e ditës së sotme KQZ shqyrtoi projektvendimin “Për shpërndarjen e fondeve vjetore, partive politike në formën e ndihmës financiare vjetore për vitin 2020”,
Me anë të ëktij vendimi KQZ vendosi që Partia Socialiste e Shqipërisë të marrë 63.417.047 lekë.
Gjithashtu KQZ vendosi që Partia Demokratike të marrë 38.911.877 lekë, Lëvizja Socialiste për Integrim të marrë 20.012.797 lekë, Partia Drejtësi, Integrim dhe Unitet të marrë 7.447.477 lekë.
Po ashtu, KQZ vendosi që Lista e Barabartë të marrë 4.841.667 lekë dhe Partia Socialdemokrate të marrë 5.369.137 lekë.
