Vaksinimi i fëmijëve ndaj gripit përgjysmon shtrimin në spital për shkak të komplikimeve që lidhen me virusin, sipas një studimi të ri të botuar në revistën ”Clinical Infectious Disease”.
Studimi ekzaminoi të dhënat mbi vaksinimin e 3 746 fëmijëve të moshës nga 6 muaj në 8 vjeç, të shtruar në gjashtë spitale të Izraelit gjatë tre dimrave të 2015-16, 2016-17 dhe 2017-18.
Rezultatet zbuluan se vaksina e gripit uli shtrimet në spitale me 54%.
Kjo përqindje vërteton udhëzimet e SHBA dhe Izraelit që rekomandojnë vaksinimin e fëmijëve kundër gripit çdo vit para fillimit të dimrit, veçanërisht gjatë fëmijërisë së hershme me dy doza të vaksinës.
“Fëmijët e vegjël janë në rrezik të lartë të shtrimit në spital për shkak të komplikimeve të gripit”, theksuan autorët e studimit
