Bullgaria mbyll hetimet për autobuzin nga Maqedonia e Veriut ku humbën jetën 45 persona

Ekipi hetimor në Bullgari mbylli hetimet për aksidentin e autobusit nga Maqedonia e Veriut “Besa Trans” në autostradën “Struma B” ku humbën jetën 45 persona. Zëvendës Prokurori i Përgjithsëm Borislav Sarafov tha se konkluzioni i hetuesve është se, shoferi i autobusi, i cili ka humbur jetën është fajtor për aksidentin. “Arsyeja e aksidetit është humbja e kontrollit të drejtimit nga shoferi i autobuzit. Po ashtu edhe shpejtësia më e madhe se shpejtësia e lejuar”, u shpreh Sarafov për “Dnevnik.bg”. Prokurori deklaroi se pas këtij konkluzioni mbetet që të njoftohen familjarët e viktimave, të cilët kanë të drejtë të njihen me materialet e hetimit. Kujtojmë se autobusi i “Besa Trans” u aksidentua më 23 nëntor ku humbën jetën 45 persona. Në këtë aksident mbetën vetëm 7 të mbijetuar.