Drejtori i Përgjithshëm i Burgjeve, Klevis Qose për mes një postimi në llogarinë e tij në rrjete sociale ka ndarë një lajm të trishtë.
Pasi punonjësi i rolit të mesëm pranë QSB-së, Komisar Ilia Kaliopi, është ndarë nga jeta ditën e djeshme në banesën e tij, pas një sëmundjeje të rëndë.
Ai u shpreh ngushëllime familjarëvë të Kaliopit: “Ngushëllimet më të sinqerta bashkëshortes, vajzës dhe gjithë familjes së tij. Zoti u dhëntë forcë dhe durim për ta përballuar këtë humbje të madhe.”
“Qoftë i përjetshëm kujtimi yt dhe i lehtë dheu që të mbulon”, përfundon Klevis Qose.
Postimi i plotë:
Lamtumirë, Komisar!
Ikja jote e parakohshme nga kjo jetë lë një boshllëk të thellë në zemrat e të gjithë atyre që patën fatin të të njohin dhe të punojnë pranë teje. Me përulësi, korrektësi dhe profesionalizëm, le pas një emër të nderuar dhe një kujtim që do të jetojë gjatë në kohë.
Edhe pse vetëm pesë vite në sistemin penitenciar, Komisar Ilia Kaliopi u dallua për përkushtimin, sjelljen njerëzore dhe seriozitetin në detyrë, duke fituar respektin dhe vlerësimin e kolegëve dhe eprorëve.
Punonjësi i rolit të mesëm pranë QSB-së, Komisar Ilia Kaliopi, u nda nga jeta ditën e djeshme në banesën e tij, pas një sëmundjeje të rëndë.
Ngushëllimet më të sinqerta bashkëshortes, vajzës dhe gjithë familjes së tij. Zoti u dhëntë forcë dhe durim për ta përballuar këtë humbje të madhe.
Qoftë i përjetshëm kujtimi yt dhe i lehtë dheu që të mbulon.
