Njëzet e tre vjet pas shpërthimit që shkaktoi 23 viktima në Tunelet e Qafështamës, situata atje mbetet problematike dhe e rrezikshme.
Predha dhe armatime luftarake vijojnë të zbulohen pranë tuneleve. Banorët iu janë rikthyer gërmimeve për të gjetur predha që më pas i shesin për skrap.
Për të shmangur filmimet nga televizioni Ora News, ata braktisën veglat e punës.
Duket se shpërthimi i fuqishëm i 29 prillit 1997 ka shpërndarë shumë municione luftarake në shpatin e malit përballë tuneleve.
Dy vjet më parë, Ministria e Mbrojtjes ndërhyri në zonë duke pastruar hotspotet, por pamjet tregojnë se aty ende kanë mbetur armatime.
Madje predha të rrezikshme janë gjetur vetem 10 metra poshtë tuneleve.
Ndaj duket se lind nevoja që zona të kontrollohet edhe një herë nga ekspertët për të eleminuar përgjithmonë rrezikun e predhave dhe municioneve luftarake në zonën e Qafështamës.
