Në Lezhë shirat e pandërprerë kanë sjellë dhe rrëshqitje dherash duke rrezikuar shumë banesa. Shumë prej banorëve janë shpërngulur pasi shtëpitë e tyre janë nën kërcënimin e vazhdueshëm të shembjes. Kjo dukuri është me e theksuar në fshatin Kashnjet ndaj shumë banorë kanë braktisur banesat e tyre dhe kanë lëshuar alarmin për ndihmë.
Raportohet se një banesë është çarë në dysh për shkak të rrëshqitjes së tokës në fshatin Sukaxhi. Banesa e Pjeter Ndue Fizit është dëmtuar krejtësisht ndaj ai së bashku me familjarët e kanë braktisur duke kërkuar strehim tek familjarët e tij. Banorët thonë se nga ana e organeve ende nuk ka asnjë ndihmë.
