Është ç’aktivizuar një bombë e Luftës së Dytë Botërore, e cila peshonte 260 kilogramë. Një njësi speciale e policisë sllovene ka çaktivizuar një bombë të pashpërthyer të Luftës së Dytë Botërore që u zbulua javën e shkuar në një kantier ndërtimi në Maribor. Bomba u zhvendos në një gropë të thellë tetë metra dhe u sigurua në rast se nuk mund të çaktivizohej, që të shkatërrohej në mënyrë të kontrolluar.
Ekspertët çaktivizuan me sukses të dy ndezësit e bombës prej 250 kg, me rreth 120 kilogramë eksploziv. Të dielën, një bombë tjetër e gjetur afër stacionit kryesor të autobusëve në qytetin e dytë më të madh në Slloveni, do të çaktivizohet në të njëjtën mënyrë, dhe do të jetë e nevojshme të evakuohen rreth dy mijë njerëz. Bomba i takon po ashtu periudhës së Luftës së Dytë Botërore dhe ajo peshon rreth 500 kg.
Ky nuk është rasti i parë i gjetjes së bombave të pashpërthyera në Maribor, ku sipas mediave, kanë rënë 17.000 bomba të forcave aleate në vitet 1944 dhe 1945, pasi qyteti kishte rëndësi strategjike për gjermanët para përfundimit të luftës dhe se ishte një qendër e rëndësishme e transportit. Kjo është arsyeja pse vlerësohet se ka ende shumë bomba të pashpërthyera nën tokë, pasi rreth 1.5 për qind e tyre nuk shpërthyen gjatë bombardimeve.
