Kryeministri Edi Rama i është përgjigjur, Presidentit Meta në lidhje me deklaratën e këtij të fundit mbi çështjen e detit. Mëngjesin e sotëm Meta u shpreh se procesi i negociatave dypalëshe nuk ka përfunduar ende, ndaj dhe ai i dha autorizimin ekipit negociues për të delitimuar vijën detare të kufirit me Greqinë.
Përmes një postimi në Twitter, Rama u shpreh se Meta kërkon shesh për përshesh, pasi e vërteta në lidhje me këtë çështje qëndron në faktin se Greqia dhe Shqipëria nuk kanë ende një marrëvesje dhe ndaj do të shkojnë në Gjykatën Ndërkombëtare.
“Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!
Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!
Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like!”, tha Rama në Twitter.
