Në më pak se një javë kohët e fundit, autoritetet arrestuan tre pilotë nga dy linja ajrore të ndryshme nën dyshimin se ishin të dehur para se të fillonin të fluturonin Por, megjithë hetimin e detajizuar të incidenteve në fund të korrikut dhe në fillim të gushtit, autoritetet thonë se është jashtëzakonisht e pazakontë të gjesh një pilot të dehur. Midis 2010 dhe 2018, afro 117,000 pilotë amerikanë u testuan për alkool, sipas Administratës Federale të Aviacionit. Prej tyre, 99 u gjetën mbi normën e lejuar. Kur zbulohen këto lloj shkelje, pasojat mund të jenë të rënda.
“Kjo është për shkak të seriozitetit me të cilin autoritetet marrin sigurinë e udhëtimit ajror”, thotë Chris Smith, partner në Firmën ligjore të Ajrit në Londër. Në një broshurë sigurie që alkooli emërohet si “një kombinim vdekjeprurës”, FAA paralajmëron: “çdo faktor që dëmton aftësinë e pilotit për të kryer detyrat e kërkuara gjatë operimit të një avioni është një thirrje për katastrofë.”
Rregulloret e Administratës Federale të Aviacionit thonë se një pilot nuk mund të ketë një përqendrim të alkoolit në gjak ose frymë prej 0,04 ose më shumë, që është gjysma e kufirit ligjor për ngasje në Shtetet e Bashkuara. Pilotët nuk lejohen të pinë alkool brenda tetë orëve para fluturimit ose para kohës për të vepruar si një anëtar i ekuipazhit. Linjat ajrore kërkohen nga FAA të testojnë pilotët për drogë dhe alkool, dhe testet mund të kërkohen gjithashtu pas një aksidenti ose kur dikush – ekuipazhi i tij, personeli i sigurimit ose ndonjë tjetër – ka gjasa të dyshojë se një pilot mund të jetë nën ndikimin.
Kështu ndodhi në të dy incidentet e fundit. Më 30 korrik, piloti 37-vjeçar Delta, Gabriel Schroeder u arrestua në Minesota pak pas orës 11 të mëngjesit pasi u gjet me një pije alkoolike dhe dyshohet se ishte i dehur, sipas të dhënave të arrestimit nga Minneapolis-St. Fluturimi i planifikuar për në San Diego u vonua një orë për të pritur që dikush të zëvendësojë Schroeder.
Disa vende kanë rregulla më të rrepta se SH.B.A., dhe pilotët duhet t’iu nënshtrohen atyre nën juridiksionin lokal, si dhe rregulloret e FAA; Skocia, për shembull, ka një prag më të ulët për përqendrimin e alkoolit sesa Shtetet e Bashkuara. Dhe politikat e linjave ajrore mund të jenë edhe më të rrepta se FAA. Një zëdhënës i United tha këtë javë se po ndryshon rregullat duke kërkuar që pilotët të shmangin pirjen 12 orë para një fluturimi në vend të 8, në ditët në vijim. Këto dënime për djretim nën ndikimin e alkoolit do rrisin mundësitë për heqjen e patentë shoferit për shkak të veprës penale, kjo duhet të raportohet në FAA, e cila pastaj mund të bëj që një pilot të humbasë privilegjin për të fluturuar.
