Një çift gjerman ka lëshuar sinjalin SOS, pasi kanë humbur në gadishullin e Karaburuni. Ata janë gjetur pas tre orësh kërkimesh nga forcat Delta dhe ato të Zonave të Mbrojtura.
Çifti gjerman dyshohet se kanë humbur rrugën në afërsi të gjirit te Anglezit.
Por, pas tre orësh kërkime nëpër zonat e thella mbi gjirin e Anglezit në Karaburun, Delta forcë dhe forcat e Zonave të mbrojtura kanë mundur të gjejnë në gjendje te mirë shëndetësore çiftin gjerman.Ata janë duke u shoqëruar nga forcat Delta në ambientet e këtij reparti.
Njoftimi i policisë:
Karaburun/Angazhim dhe përkushtim i përditshëm nga ana e strukturave të Policisë, për t’u ardhur në ndihmë pushuesve dhe turistëve, në rast nevoje.
Shërbimet e Delta Forcë, në bashkëpunim me Policinë Kufitare të Vlorës, u kanë ardhur në ndihmë 2 turistëve gjermanë që kishin humbur orientimin, në Gadishullin e Karaburunit, dhe rrezikoheshin për shkak të terrenit shumë të vështirë, në këtë zonë.
Gjatë ditës së sotme, shërbimet e Repartit Special Delta Forcë kanë marrë njoftim nga shërbimi i emergjencave civile në Prefekturën e Qarkut Vlorë, se një çift turistësh gjermanë që ndodheshin në vendin e quajtur “Depot e Valanidhit”, në Gadishullin e Karaburunit, kishin humbur orientimin dhe po rrezikoheshin për shkak të terrenit shumë të vështirë në të cilin ndodheshin.
Menjëherë pas marrjes së njoftimit, shërbimet e Delta Forcë, në bashkëpunim dhe me Policinë Kufitare Vlorë kanë organizuar punën për t’u ardhur në ndihmë 2 shtetasve gjermanë.
Shërbimet e Policisë kanë nisur kërkimet, fillimisht gjatë vijës bregdetare, me mjet lundrues, dhe më pas kanë zbritur për të nisur kërkimet në tokë, në vendin e quajtur “Skaloma Bege”, në Karaburun, duke përdorur pajisje optike dhe mjete të tjera sinjalizuese policore.
Pas disa orë kërkimesh është bërë i mundur lokalizimi i dy shtetasve gjermanë, në një zonë me terren të vështirë.
Të dy turistëve gjermanë iu dha fillimisht ndihma e parë dhe më pas u transportuan me mjet lundrues në Repartin Delta Forcë, në gjendje të mirë shëndetësore.
Policia e Vlorës është e angazhuar maksimalisht në shërbim të qytetarëve, vizitorëve dhe turistëve, për të krijuar një ambient sa më të sigurtë.
#angazhimpërkushtimsakrificë????????????️
#tëvendosurkundërkrimit✅
#24/7nëçdoskajtëvendit
#nëshërbimtëqytetarëve
