Gazetari Artan Hoxha, i ftuar në emisionin “Opinion” ka folur për zhdukjen e Ervis Martinajt, që tashmë është kthyer në një telenovelë me shumë seri, për shkak të informacioneve dhe spekulimeve të shumta në media, ndërkohë që policia nuk reagon.
Hoxha tha se ka qenë në banesën e Ervis Martinajt dhe ka takuar familjarët e tij. Ai tha se në familjen Martinaj po mbahet zi dhe është i bindur se Martinaj është ekzekutuar nga rivalët.
Hoxha tha se është i trembur nga grupet rivale të Martinajt, që tashmë kontrollojnë botën e krimit.
“Kam qenë në banesën e familjes Martinaj, kam folur me familjarët e tij. Në shtëpinë e tij është morti i hapur. Edhe ata e kanë një shpresë dhe uroj të jetë kështu, që ti ketë rrëshkitur gjithë Shqipërisë… Do ta besoja nëse nuk do të njihja armiqtë e tij! Por duke i njohur, më trembin këta që kanë ardhur…
Kjo është ngjarje që jo vetëm ka ndodhur, por kakofoninë e madhe nuk po e bëjnë mediat. Janë mediat afër qeverisë që e kërkojën këtë gjë. Këtë gjë e mbyll me një deklarim publik siç bën me çdo ngjarje policia.
Ata kanë një hetim.
Policia nuk flet me përqindje, por meqenëse është ngjarje me sensibilitet, për mua është vija e demarkacionit të një dekade të krimit të organizuar.
Heshtja e autoriteteve ka krijuar kakofoni qëllimisht”, tha Hoxha.
