Princ Leka dhe bashkëshortja e tij Elia Zaharia kanë ndarë foton e parë zyrtare të vajzës së tyre e cila erdhi në jetë pak ditë më parë, Princeshës Geraldine. Përmes një postimi në facebook, Elia Zaharia tregon se sëbashku me bashkëshortin e saj po e shijojnë çdo moment të të qenit prindër.
Ndër të tjera ajo thotë se dita e lindjes së Princeshës së vogël ishte veçanërisht emocionuese, pasi erdhi në ditën kur plot 18 vjet më parë, Mbretëresha Geraldine u largua nga kjo jetë.
Elia Zaharia: Të dashur miq, ju falenderojmë përzemërsisht për urimet tuaja me rastin e lindjes së vajzës sonë, Geraldine. Të qënit prind është një bekim, që falë Perëndisë ne të dy po e shijojmë çdo moment!Dita e lindjes së Princeshës sonë ishte veçanërisht emocionuese, pasi erdhi në ditën kur plot 18 vjet më parë, Mbretëresha Geraldine u largua nga kjo jetë. Për ne të dy ishte një përshëndetje nga bota e engjëjve! Ne si prindër urojmë me gjithë zemër që Princesha e vogël Geraldine të rritet e shëndetshme, ta ketë zemrën të mbushur me dashuri, ta dojë dhe ta vlerësojë jetën, dhe jeta ta përkëdhelë me butësi dhe ëmbëlsi vogëlushen tonë!
