Janë përcjellë për në banesën e fundit trupat e Shpëtim dhe Teuta Pashos, çifti nga Vlora, të cilët u gjetën të copëuar në valixhe.
Djali i tyre Taulant Pasho mori pjesë në ceremoni që u mbajt në Castelfiorentino (Firence)
Sipas mediave italiane, djali 33-vjeçar i dy bashkëshortëve shqiptarë është ndër të dyshuarit për ngjarjen ku humben jeten prindërit e tij. Burri u shoqërua në varreza nga policia e burgut që e lejoi atë të merrte pjesë në varrim e prindërve.
Ceremonia u zhvillua gjatë një ore me arkivolet e mbërritura nga morgu i Careggi dhe morën pjesë rreth 80 persona, përfshirë të afërm dhe miq, pothuajse të gjithë me origjinë shqiptare si viktimat, dhe shumë prej të cilëve jetonin në zonën Empoles.
Taulant Pasho, i pranishëm atje i shoqëruar nga oficerë të policisë së burgjeve me rroba civile u lejua të qëndronte për disa dhjetëra sekonda para varrimit dhe të përqafonte disa nga të pranishmit që erdhën ta takonin.
Shpëtimi dhe Teuta Pasho, të moshës 61 dhe 59 vjeç, humben gjurmet në 2015 nga Firence. Trupat e tyre u gjetën pas vitesh të fshehura në disa valixhe. Ish e dashura e djalit të çiftit, Elona Kalesha, një 36-vjeçare shqiptare aktualisht e burgosur në burgun Sollicciano, u arrestua si e dyshuara kryesore.
Vëllai i vogël i gruas, Denis Kalesha, është gjithashtu nën hetim, si dhe vetë Taulant Pasho.
