Janë mbledhur Mijëra njerëz në Santa Filomena, aty ku ka zbarkuar nga qielli materiali i çmuar, 4.6 miliardë vjeçar. Mediat ndërkombëtare shkruajnë se rreth 200 fragmente meteori kanë rënë në 19 gusht në Santa Filomena, në verilindje të Brazilit dhe kanë tërhequr vëmendjen e shumë qytetarëve. Ata janë grumbulluar në këtë qytet dhe janë sulur të mbledhin sa më shumë copa meteori, për ta shitur më pas. Më e madhja prej tyre peshon 40kg dhe ka vlerën 25 000 dollarë, një shumë kjo tmerrësisht e lartë për banorët e zonës që ushqehen me mbjelljen e fasuleve.
Por, vetëm 1% e meteorëve janë e tipit të tillë dhe mostrat e tyre shiten mijëra dollarë. Një prej banorëve, Edimar da Costa Rodrigues, 20 vjeç, kujton ditën kur Santa Filomena u mbush me tym dhe sende që binin nga qielli. “Gjeta një copë meteori 7cm-të gjerë të cilën e shita më pas te një koleksionist për 1,000 dollarë. Është diçka e dërguar nga Zoti,”- u shpreh ai.
