Credit Suisse ka bërë një kërkim dhe ka arritur në përfundim se në 2020 janë bërë milionerë plot 5 milionë njerëz, pavarësisht dëmeve nga pandemia e Covid-19. Sipas kërkimit, shumë të varfër, u bënë edhe më të varfër gjatë kësaj kohe.
Në vitin 2020 më shumë se 1% e të rriturve në të gjithë botën ishin milionerë për herë të parë. Rikuperimi i tregjeve të aksioneve dhe rritja e çmimeve të shtëpive ndihmuan në rritjen e pasurisë së tyre. Krijimi i pasurisë duket se ishte “shkëputur plotësisht” nga problemet ekonomike të pandemisë, thanë studiuesit.
Pasuria totale globale u rrit me 7.4%, thuhet në raport. Që nga fillimi i shekullit 21, numri i njerëzve me pasuri midis $ 10,000 dhe $ 100,000 ishte më shumë se trefishuar; nga 507 milionë në vitin 2000 në 1.7 miliardë në mes të 2020-ës. Sipas raportit rritja pasqyronte “prosperitetin në rritje të ekonomive në zhvillim, veçanërisht të Kinës, dhe zgjerimin e klasës së mesme në botën në zhvillim”.
Zyrtarja kryesore e investimeve në Credit Suisse, Nannette Hechler-Fayd’herbe tha: “Nuk duhen mohuar veprimet e ndërmarra nga qeveritë dhe bankat qendrore për të organizuar programe masive të transferimit të të ardhurave për të mbështetur individët dhe bizneset më të prekura nga pandemia, dhe duke ulur normat e interesit, kanë shmangur me sukses një krizë globale në shkallë të plotë”.
