Qeveria e Indisë, në luftën kundër Covid-19, shpresat i ka vetëm tek vaksinimi. Teksa vendi vazhdon të jetë në kolaps, ku spitalet janë në mëshirë të fatit, vendi ka probleme të theksuara me marrjen e vaksinës. Aktualisht në Indi janë vaksinuar më pak se 5% e të rriturve.
Në një situatë të tillë, kryeministri i vendit ka lajmëruar se të rriturit do vaksinohen falas, kjo pas alarmit të ekspertëve se vendi mund të përballet me një valë të tretë të Covid-19. Mësohet se vaksinimi falas i të rriturve pritet të fillojë me 21 qershor.
