Kurba e infektimeve të reja me COVID-19 në Kosovë ka pësuar një ulje krahasuar me ditën e djeshme. Si rezultat i 5.646 testimeve të kryera, 740 persona kanë rezultuar pozitivë, krahasuar me 1.096 raste që u regjistruan ditën e djeshme.
Ndërkaq, në 24 orët e fundit 48 qytetarë kanë fituar betejën me koronavirusin, duke e cuar numrin e të shëruarve në 106.157 që prej fillimit të pandemisë.
Ministria e Shëndetësisë bën me dije se në të gjithë vendin janë aktivë 8.544. Në të gjithë vendin, që nga fillimi i pandemisë numri total i infektimeve ka shkuar në 116.987, ndërsa nga numri i viktimave 2.286.
