Tre persona janë plagosur me armë zjarri pasditen e sotme. Ngjarja ka ndodhur rreth orës 17:30 në një lokal pranë Pallatit të Sportit. Report Tv sjell pamjet nga vendi i ngjarjes.
Tre personat e plagosur me armë zjarri janë Fezi Ago, Astrit Cërriku dhe Mihal Kocashi, ndërsa janë dërguar me shpejtësi në spital. Ndërkohë që po punohet për kapjen e autorit, i cili është identifikuar dhe shpallur në kërkim.
Por si ndodhi ngjarja? Sipas informacioneve nga grupit hetimor, tre të plagosurit dhe autori kanë qenë ulur në një tavolinë në lokal. Pas sherrit, njëri prej tyre shkoi në shtëpi dhe mori armën e zjarrit tip kallashnikov dhe u rikthye duke i qëlluar.
Pas breshërisë me kallashnikov mbi tre personat që ishin në tavolinë autori është larguar me shpejtësi, ndërsa policia ka mbërritur në vendin e ngjarjes pas sinjalizimit. Elbasani ka qenë gjithmonë një qytet problematik përsa i përket përplasjes së grupeve kriminale.
Një plagosje me armë zjarri ka ndodhur pranë pallatit të sportit në një bar kafene, në Elbasan, ku paraprakisht dyshohet se ngjarja nisi për çështje borxhesh.
Tre shtetasit janë plagosur me pistoletë. Astrit Cërriku, paraqitet në gjendje të rëndë shëndetësore, por jashtë rrezikut për jetën.
Ai mendohet se ka marrë 6 plumba në këmbë dhe ka 11 plagë. Ndërsa për dy shtetasit e tjerë njëri është plagosur në këmbë dhe tjetri në syrin e majtë, pasi i kanë goditur me tytën e pistoletës.
Të plagosurit mendohet se kishin marrë para borxh dhe dyshohet se një grup tjetër ka ardhur nga jashtë dhe ka gjuajtur mbi të plagosurit/shqiptarja
