Një punonjës policie i Maqedonisë së Veriut në pikën kufitare Qafë-Thanë është filmuar duke marrë ryshfet, raporton Ministria e Punëve të Brendshme.
Sipas njoftimit, Departamenti për Kontroll të Brendshëm, Hetime Kriminale dhe Standarde Profesionale në Ministrinë e Punëve të Brendshme ka bërë kallëzim penal kundër policit K. M. për shkak të ekzistimit të bazave të dyshimit për veprën penale të marrjes së ryshfetit nga neni 357. Po ashtu është paditur edhe shtetasi G.B. për shkak të dyshimit për kryerjen e veprës penale të ndihmës për marrjen e ryshfetit.
Pika e kalimit kufitar të Qafë-Thanës ka trafik të madh ndërkufitar mes Shqipërisë dhe Maqedonisë së Veriut, por pikë kalimi e shtetasve dhe mjeteve që vijnë nga vende të tjerae të Ballkanit.
Banorët e zonave kufitare të Shqipërisë e përdorin edhe për konsum të përditshëm, për shkak të çmimit të ulët të karburanteve dhe të produkteve të shportës.
