Qeveria gjermane vijon të shtrëngojë masat anti- Covid, pasi rastet po rriten ndjeshëm. Mediat lokale shkruajnë se qeveria dhe liderët kanë mbajtur një konferencë për 4 orë, duke arritur në përfundimin se do vijojë nxitja për vaksinimin, pasi ekspertët paralajmërojnë një valë të 4 në vjeshtë.
“Lajmi i mirë është se vaksina ka ndikim shumë pozitiv sa i përket parandalimit të sëmundjes së rëndë apo vdekjes nga Covid-19. Lajmi i keq është se ritmi i vaksinimit është ngadalësuar. Prandaj u dakordësuam të shtojmë përpjekjet për rritje të vaksinimit në nivel federal dhe landesh”, deklaroi Merkel.
Ajo shtoi se nga 11 tetori, testet e koronavirusit nuk do të jenë më falas për personat që refuzojnë vaksinën, me përjashtim të fëmijeve dhe grave shtatzëna.
“Ata që janë vaksinuar nuk do të duhet të testohen më, dhe sigurisht që do të trajtohen ndryshe nga të pavaksinuarit, nëse infektimet rriten më tej. Nuk mund të lejojmë që sistemi shëndetësor të mbingarkohet sërish”, shtoi kancelarja Merkel.
