Categories Lajme

Dëshmia e investitorit italian: E hapëm sipërmarrjen në Shqipëri pa kurrfarë burokracie

Nuk ka burokraci, të rinjtë kanë dëshirë të mësojnë, jemi dy popuj të ngjashëm, klima për të bërë biznes, është shumë e mirë, këto janë përshtypjet e një investitori italian i cili operon prej vitesh në Shqipëri.

Pierangelo Roseti në një prononcim për Agjencinë Telegrafike Shqiptare tregoi për eksperiencën disa ditore në panairin ndërkombëtar “Klik Ekspo Grup” që u zhvillua në Tiranë. Sipërmarrësi italian, rrëfeu se fillimisht biznesin e ka hapur në jug të vendit dhe më pas është transferuar në Tiranë.

“Uellis Technology” projekton dhe prodhon të gjitha produktet e qendrave estetike, xhakuzi, sauna, banja turke dhe gjithçka tjetër brenda një qendre estetike. Operojmë në Shqipëri prej 4 vjetësh. Fillimisht sipërmarrja jonë ka qenë në jug të vendit në Vlorë, më pas në Durrës dhe tani jemi në Tiranë”, tha Roseti.

Sipërmarrësi Pierangelo Roseti tha se ndjehet shumë mirë në Shqipëri.

“Jam shumë mirë në Shqipëri, kam bashkëpunëtorë shumë të mirë, edhe klientët në Shqipëri janë shumë të mirë. Ne si popuj, pra italianët dhe shqiptarët jemi shumë të ngjashëm, pastaj është e thjeshtë të shkosh edhe në Itali, për një orë me avion. Punojmë shumë mirë në Shqipëri, jam si në shtëpinë time”, shprehet ai.

Investitori italian, vlerësoi edhe thjeshtësinë dhe mungesën e burokracisë për të operuar në fushën e biznesit në Shqipëri.

“Kur e hapëm sipërmarrjen në Shqipëri ishte shumë e thjeshtë, shumë shpejt dhe pa kurrfarë burokracie, gjë që në Itali është e paimagjinueshme. Edhe kostot e punës janë shumë të lira për një investitor italian”, tha ai.

I vetmi shqetësim që ka ndeshur në vendin tonë, është mungesa e punonjësve të kualifikuar, por edhe këtij ngërçi ia ka gjetur zgjidhjen.

“Nuk është e lehtë të gjesh personel të kualifikuar, por ne po punojmë për t’i trajnuar ata. Shoh që ky popull ka dëshirë për të mësuar, sidomos të rinjtë kështu që rritemi bashkë, italianë dhe shqiptarë”.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Serxho Sula, 26 vjeç, ka humbur jetën tragjikisht në një aksident automobilistik në Volos të Greqisë

Në fshatin Drenovë të Korçës, një market ka rënë pre e grabitjes me armë zjarri. Sipas…

LEXO ME SHUME
Categories Lajme

Mësuesja e biokimisë, Ina Kasimati, kërkon edhe një herë ndihmën e shqiptarëve

Serxho Sula, 26 vjeç, ka humbur jetën tragjikisht në një aksident automobilistik në Volos të…

LEXO ME SHUME
Categories Lajme

‘Më ndihmoni të vij në Atdhe, në Vlorën time!’, mësuesja e shtruar në spitalin francez apelon shqiptarët

Mësuesja e biokimisë, Ina Kasimati, kërkon edhe një herë ndihmën e shqiptarëve. Ndërsa dy vite…

LEXO ME SHUME
Categories Lajme

Autonomia spitalore në Shqipëri, rikthehet debati për shërbimet shëndetësore

Në Shqipëri autoritetet zyrtare po prezantojnë disa elementë të autonomisë spitalore, që parashikon delegimin gradual…

LEXO ME SHUME
Categories Lajme

Parashikimi i motit për javën e ardhshme, Shërbimi Meteorologjik Ushtarak: Ja kur rikthehen ditët me diell

Për javën që presim përpara vendi ynë do të ndikohet nga kushte relativisht të qëndrueshme…

LEXO ME SHUME