Një nga viktimat e aksidentit në Kroaci, ishte edhe Alinda, një 37-vjeçare që udhëtonte me 4 fëmijët e saj. Mësohet se gjendja e tyre është e mirë, jashtë rrezikut për jetën. Lajmin e dha sot babai i viktimës, Arif Kikajn.
Ai ka mbërritur në spitalin e Slavonski Brod, ku ka takuar fëmijët e vajzës, teksa shpirti i qan për të. Me të ishte dhe bashkëshorti i vajzës.
Aksidenti i rëndë ka ndodhur një ditë më parë në Kroaci, ku autobuzi, për shkak të përgjumjes së shoferit, u përmbys, duke shkaktuar vdekjen e 10 personave.
