Detaje shokuese kanë dalë në dritë ditën e sotme në Gjykatën e Krimeve të Rënda, ndaj 34-vjeçarit Gazmend Musta i cili akuzohet për vrasjen e bashkëshortes së tij dhe kunatës. Ngjarja e rëndë ndodhi më 2 janar 2019, në sy të fëmijëve 7 dhe 3 vjeç. Ai masakroi me thikë bashkëshorten e tij Gentjana Çaushaj dhe motrën e saj, Milisa, 18 vjeçe. Në seancën e sotme të mbajtur në Gjykatën e Krimeve të rënda, janë dhënë detaje shokuese të asaj pasditeje në apartamentin që çifti jetonte në lagjen “5 shkurti”, në Ballsh. 34-vjeçari i ka qëlluar me thikë buke disa herë dy gratë në dhomën e ndenjes dhe pas krimit ka marrë fëmijët dhe është dorëzuar në stacionin policor. Aty ka hedhur thikën në tokë dhe u ka kërkuar policëve që të kujdeseshin për fëmijët.
Ekspertiza mjeko-ligjore zbulon se secila prej grave ka më shumë se 10 plagë në trupat e tyre.
Nga kqyrja në morgun e Spitalit Rajonal Fier, tek kufoma e Gentjana Çaushaj u vërejtën:
-plagë shpuese në gjoks
-dy plagë shpuese në gjirin e majtë
-një plagë tjetër në nivelin e sqetullës së majtë
-një plagë shpuese në krah të majtë
-dy plagë prerëse shpuese në parakrah të majtë
-dy plagë shpuese në pjesën e poshtme të barkut në të majtë
-dy plagë shpuese në kurriz
-një plagë në krah të djathtë në nivel të shpatullës.
Tek kufoma e Milisa Çaushaj (18 vjeçe) u vërejtën:
-dy pagë shpuese sipër gjoksit në nivelin e gropës së fytit, të tilla që depërtojnë deri në brendësi të zgavrës së gjoksit
-një plagë me prerje të dërrasës së kraharorit
-dy plagë në gjirin e majtë
-një plagë tjetër në nivelin e sqetullës së majtë
-një plagë tjetër në gjirin e majtë
-një plagë në parakrah të majtë
-një plagë tjetër në krah të majtë
I arrestuari Gazmend Musta deklaroi se i vrau të dyja me thikë kuzhine, pasi nuk duroi kundërshtimin që i bëri bashkëshortja e tij. Ai u arrestua nga policia në Ballsh në orën 21” të datën 02.01.2019.
Shkaku?
“I dyshuari pretendoi se shkak për goditjen me thikë që i bëri bashkëshortes dhe kunatës kanë qenë ofendimet e Gentianës ndaj tij të cilat nuk i duroi dhe pas kësaj nuk diti se cfarë bëri“ thuhet në dokumentin e prokurorisë. Gjithashtu pas krimit Gazmendi ka marrë të atin në telefon dhe pasi i ka treguar për krimin i ka thënë: tia bënte hallall se do të piqeshin në botën tjetër” Gazmend Musta doli sot para gjykatës së krimeve të Rënda ku mori masën e sigurisë “Arrest me burg”
