Nje sasi lende plasese ka shperthyer ne nje mjet ne kryeqytet kete mengjes, duke krijuar panik ne rrugen e mbushur plot me njerez qe ne ate orar shkojne ne pune apo cojne femijet ne kopshte e shkolla.
Policia e Tiranës ne nje informacion paraprak ben me dije se rreth orës 07:45 në rrugën “Ramazan Bogdani” në automjetin në pronësi të shtetasit Artion Bylyku dyshohet të ketë shpërthyer një sasi e dyshuar lëndë plasëse.
Si pasojë e shpërthimit nuk ka dëme në njerëz, por vetëm disa dëme materiale. Mësohet se lënda plasese ka shperthyer sapo eshte shtypur pulti per te hapur automjetin nga pronari i saj.
Ne vendngjarje u krye edhe shperthimi i kontrolluar dhe raportohet se ka qene nje sasi e vogel lende plasese. Dyshimet e para jane se kjo ngjarje ka qene si nje paralajmerim per pronarin e mjetit, raportoi gazetari i News24.
Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
