Një aksident ka ndodhur pasditen e së martës në Dhërmi ku beronierja është përplasur me kamionin. Një prej drejtuesve të automjeteve është dëmtuar në gjymtyrët e poshtme dhe po transportohet në spitalin e Vlorës.
Shkaqet e ngjarjes nuk dihen ende, ndërkohë mësohet se shoferi i betonierës që është në greminë është lënduar në këmbë. Ai është hedhur nga mjeti teksa ishte në lëvizje, për të shmangur një ngjarje më fatale.
Shërbimet e Policisë janë nisur drejt vendit të aksidentit, në zonën e Dhërmiut, për të sqaruar rrethanat e saj. Ndërkohë, dje në Vlorë ka ndodhur një aksident i rëndë, në zonën e bypassit, ku për pasojë kanë ndërruar jetë shoferi dhe pasagjeri i kamionit.
Dhërmi/Informacion paraprak Më datë 17.05.2022, në lagjen Drimadhë, fshati Dhërmi, Himarë, një betoniere me drejtues shtetasin N.A., 50 vjeç, ka goditur nga mbrapa një kamion të parkuar, ku si pasojë është dëmtuar drejtuesi i betonieres, i cili ndodhet në Spitalin Rajonal Vlorë, nën kujdesin e mjekëve. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
