Dashuri pa kushte për fëmijët me aftësi të kufizuara, të cilët frekuentojnë arsimin publik në shkollat 9-vjeçare të bashkisë Patos. Deputetja e Partisë Socialiste, Antoneta Dhima ishte sot me këta fëmijë, ku shpërndau dhurata dhe shumë dashuri me rastin e festave të fundvitit.
Ajo shprehu po ashtu mirënjohjen për mësuesit ndihmës që u qëndrojnë pranë këtyre fëmijëve dhe që përditë i ndihmojnë të ecin përpara. “Mirënjohje dhe respekt pa kufi për mësuesit ndihmës që u qëndrojnë pranë këtyre fëmijëve dhe që përditë i ndihmojnë të ecin përpara, të mësojnë e argëtohen bashkë me bashkëmoshatarët e tyre”, tha Dhima. Atsh
