Një ngjarje e rëndë është shënuar mbrëmjen e djeshme në Fushë-Kruhë në Urën e Gjolës, ku është lënduar kuzhinieri i njohur Indrit Çela.
Mediat raportojnë se Çela është dhunuar nga persona të panjohur dhe më pas është lënë në rrugë. Ai ishte në makinën e tij tip Smart me targa AA 062 RL, ku dy persona e kanë nxjerrë me dhunë e kanë dhunuar dhe më pas lënë në rrugë. Mësohet se kuzhinieri i njohur ka marrë disa plagë në kokë dhe në fytyrë.
Dëshmitarët që kanë parë ngjarjen kanë njoftuar menjëherë ambulancën dhe policinë. Mirëpo kuzhinieri 39-vjeçar në polici ka deklaruar se është përplasur nga një makinë, e cila pas aksidentit është larguar. Policia po punon për zbardhjen e plotë të ngjarjes, si dhe identifikimin e autorëve.
