Simptomat e diabetit të tipit 2 përfshijnë dhimbje koke dhe uri të vazhdueshme.
Kjo ndez një numër të simptomave të zbehta, si dhe rritjen e sulmit të zemrës dhe rrezikut të goditjes së sulmit në tru, transmeton lajmi.net.
Ndryshimi i dietës tuaj mund të ulë shanset tuaj për të zhvilluar gjendjen e zakonshme.
Nutricionistja Joy Bauer zbuloi se cilat ushqime mund të shkaktojnë nxitje të diabetit të tipit 2.
Në blogun e saj, ajo shpjegoi ushqimet më të këqija për pacientët me këtë lloj diabeti:
- Ëmbëlsirat Pacientët këshillohen që të shmangin ushqimet me sheqer në favor të produkteve të papërpunuara.
Joy shpjegoi: “Jo vetëm që ushqimet të larta në sheqer, si karamelet, biskotat dhe pijet e gazuara, nuk kanë vlerë ushqyese, por këto karbohidrate me cilësi të ulët gjithashtu shkaktojnë një rritje dramatike në nivelet e sheqerit në gjak dhe mund të kontribuojnë në shtimin e peshës dhe përkeqësimin e diabetit”.
- Xhevrekët Disa persona mendojnë se xhevrekët janë më të shëndetshme sesa biskotat apo ëmbëlsirat.
Por, këto ushqime mund të rrisin rrezikun e diabetit tuaj, për shkak se janë të ngarkuara me kripë, yndyrë dhe karbohidrate të rafinuara.
- Proshuta Mishrat e përpunuara shpesh përmbajnë shumë yndyra të ngopura dhe kripë.
Nutricionistja rekomandon shmangien e këtyre në favor të mishit të shpendëve ose peshkut.
- Qumështi me yndyrë Qumështi i yndyrshëm dhe produktet e tjera të qumështit të mbushura me yndyrë mund të përkeqësojnë simptomat e diabetit.
Kjo është për shkak se ata mund të përkeqësojnë rezistencën e insulinës, duke e bërë të vështirë që trupi të rregullojë nivelet e glukozës në gjak.
- Buka e bardhë Karbohidratet e thjeshta përbëhen nga vetëm një ose dy molekula të sheqerit, kështu që nuk duhet shumë për trupin tuaj që t’i thithë ato. Për këtë arsye, produktet si buka e bardhë ngrit sheqerin në gjak më shpejtë. /Lajmi.net/
