Ministrja e Kulturës, Elva Margariti, deklaroi sot se “Kadri Roshi shprehej se po realizohej ëndrra e tij. E kanë thënë dhe Violeta Manushi, Robert Ndrenika. Sepse dialogu për teatrin ju e dini edhe më mirë, ka filluar këtu e 20 vjet më parë, dialog i gjatë që është kërkuar tërësisht nga artistët, aktorët e teatrit duke bërë diferencën edhe këtu në parlament se çfarë do të thotë artist dhe çdo të thotë aktor sot është kthyer tërësisht në një temë kryesisht politike”.
Në fjalën e saj në Kuvend, Margariti tha se “një kacavjerri xhamash nga politika për ta kthyer atë në një debat i cili i përket është një skemë tejet e turpshme, sepse të lidhësh artistët, të lidhësh kulturën me politikën unë e konsideroj të turpshme”. Ministrja u shpreh se “askush nuk mund ta mohoj se janë zhvilluar shumë e shumë takime me artistët askush nuk mund të mohojë se dialogu dhe debate ka qenë i gjatë, askush nuk mund të mohojë se radhët e atyre artistëve të cilët gjithmonë gjenin përgjigje në dialogun e krijuar janë larguar dhe janë zënë me persona të cilët janë thjesht politikanë”.
Sipas saj, këtë nuk mund ta mohojmë që në këto 20 vite gjithmonë e më tepër ata që kanë shprehur programin e tyre mbi teatrin sot vetëm për faktin që janë vendosur në një pozitë tjetër për politikën kjo quhet jo e denjë. Ministrja u shpreh më tej se “të merresh sot me ata të cilët e kanë marrë këtë si një kauzë për të përmbushur ëndrrën e tyre rikthimin në të njëjtat karrige të cilat i kanë pasur dhe po në të njëjtën ministri që unë sot drejtoj dhe kur kanë pasur mundësinë e tyre për t’u shprehur për teatrin e 2004-2007 kanë vlerësuar se ishte një teatër pa vlera dhe si e tillë nuk duhej të futej në listën e monumenteve, kurse sot vënë kujën që kanë vlera të tilla”.
“Godinës i janë vënë vetëm arna, jo dinjitet kush përplas sot emra të shquar arkitektësh italianë që kishin tjetër ide për Teatrin sepse lufta i dha qasje tjetër. Artistët kanë nevojë jo për një godinë me arna. Ata që përdorin emrat e familjes time, është e turpshme sepse janë kolegë të mi arkitektë. Të vetmit arkitektë që kanë vendosur dorë në Teatër kanë qenë lagështia dhe arnet. Teatrin e ri do e kenë. Por llum do hidhet siç u hodh tek Teatri i Operës dhe Baleti”, – tha Margariti.
